ბათუმის საქალაქო სასამართლოში, „ქურდულ სამყაროსთან“ წევრობის ბრალდებით დაკავებულების პროცესი მიმდინარეობს

ბათუმის საქალაქო სასამართლოში, „ქურდულ სამყაროსთან“ წევრობის ბრალდებით დაკავებულების პროცესი მიმდინარეობს.

როგორც მინდია გორაძის, იგივე „ლავასოღლის" ადვოკატმა ალექსანდრე კობაიძემ მოსამართლე თამარ ბეჟანიშვილს განუცხადა, მისი დაცვის ქვეშ მყოფს საქართველოში დაბრუნება სურს, თუმცა ამის უფლებას საგამოძიებო ორგანოს თანამშრომლები არ აძლევენ.

მისი თქმით, მინდია გორაძეს სურვილი აქვს დაესწროს მის წინააღმდეგ წარმოებულ საქმეს.

„მინდია გორაძე საქართველოს მოქალაქეა, თუმცა ქვეყანაში არ უშვებენ. მას საზღვარზე არ ატარებენ, იმიტომ, რომ საგამოძიებო ორგანოს ნება ასეთია. მინდია გორაძეს აქ მყოფ დაკავებულებთან კომუნიკაცია არ ჰქონდა და მათთან არანაირი შეხება არ ჰქონია",- განაცხადა ალექსანდრე კობაიძემ დღევანდელ პროცესზე.

სასამართლოს დაცვისა და ბრალდების მხარემ საქმეში არსებული მტკიცებულებები გადასცა.

როგორც პროკურორები აცხადებენ, ბრალდებულების წინააღმდეგ საქმეში სხვა მტკიცებულებებთან ერთად მოწმეთა ჩვენებები და ფარული აუდიო ჩანაწერები არსებობს. რაც შეეხება დაკავებულებს ისინი წარდგებილ ბრალს არ აღიარებენ. თავად ბრალდებული მინდია გორაძე სასამართლო პროცესს არ ესწრება, იგი მიმალვაშია.

გამოძიება დაკავებულებს „ქურდულ სამყაროსთან“ კავშირსა და წევრობას ედავება. ისინი ორი თვის წინ დააკავეს. დაკავებულები არიან: 1956 წელს დაბადებული ივანე გიგიაძე; 1978 წელს დაბადებული იმედა აბაშიძე; 1979 წელს დაბადებული ჯამბულ ნაკაშიძე; 1983 წელს დაბადებული ბეჟან დეკანაძე; 1983 წელს დაბადებული მარად წითელაძე, 1980 წელს დაბადებული შოთა კეკელიძე, 1989 წელს დაბადებული ზაალ ახვლედიანი.1973 წელს დაბადებულ რამაზ კომახიძეს, 1993 წელს დაბადებულ ბადრი ქობულაძეს და 1992 წელს დაბადებულ გიორგი შავლიძე.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა