ზუგდიდის მერის პირველმა მოადგილემ თანამდებობა დატოვა

ზუგდიდის მერის პირველმა მოადგილემ გია გულორდავამ თანამდებობის დატოვების შესახებ განცხადება დაწერა. ამის შესახებ ინფორმაცია „ინტერპრესნიუსს“ მერიის პრესსამსახურში დაუდასტურეს.

„გულორდავამ უკვე დაწერა განცხადება და დოკუმენტი გატარებულია კანცელარიაში", - აცხადებენ მერიაში.

რაც შეეხება, ზუგდიდის მერს ლაშა გოგიას, თანამდებობის დატოვების შესახებ მან „ფეისბუქის“ საკუთარ გვერდზე გუშინ, გვიან ღამით დაწერა. გოგია ამჟამად მივლინებით პრაღაში იმყოფება და მას საქართველოში 14 სექტემბერს ელოდებიან.