ხელვაჩაურის მერიაში სოციალურ მუშაკთა ასოციაციისა და მერიის შესაბამისი სამსახურების ინიციატივით სამუშაო შეხვედრა გაიმართა

ხელვაჩაურის მუნიციპალიტეტის მერიის სხდომათა დარბაზში საქართველოს სოციალურ მუშაკთა ასოციაციისა და მერიის შესაბამისი სამსახურების ინიციატივით სამუშაო შეხვედრა გაიმართა.

ხელვაჩაურის მერიის ინფორმაციით, შეხვედრაზე განიხილეს მუნიციპალური საბჭოს შექმნის საკითხი, რომელიც თავისი კომპეტენციის ფარგლებში მუნიციპალიტეტში ბავშვთა უფლებების დაცვისა და ოჯახში ძალადობის ფაქტებთან ბრძოლის საკითხებზე იზრუნებს.

„შეხვედრაზე მოწვეული იყო ხელვაჩაურის რესურსცენტრის, სოციალური სააგენტოსა და დასაქმების სააგენტოს წარმომადგენლები. განხილული იქნა რამოდენიმე ოჯახის პრობლემური საკითხი და მათი გადაწყვეტის გზები“, - ნათქვამია ინფორმაციაში.