ფინანსთა მინისტრის ბრძანებას, რომლითაც ხორბლის სახმელეთო გადაზიდვა იკრძალება, „ევროპული საქართველო“ საკონსტიტუციო სასამართლოში გაასაჩივრებს

„ევროპული საქართველო“ აპირებს ფინანსთა სამინისტროს მიერ გამოცემული იმ ბრძანების საკონსტიტუციო სასამართლოში გასაჩივრებას, რომლის თანახმადაც, საქართველოში ხორბლის სახმელეთო გადაზიდვა იკრძალება. როგორც პარლამენტის პლენარულ სხდომაზე „ევროპული საქართველოს“ წევრმა ირაკლი აბესაძემ განაცხადა, ფრაქციამ კითხვებზე პასუხის გასაცემად ფინანსთა მინისტრი დაიბარა პარლამენტში, თუმცა მინისტრმა თავი აარიდა პასუხისმგებლობას და ფრაქციის სხდომაზე არ გამოცხადდა.

„რეგულაცია, რომელიც შემოიღო ხელისუფლებამ ხორბლის იმპორტიორებთან დაკავშირებით, არის აბსოლუტურად დაუსაბუთებლად გაკეთებული. ყოველგვარი არგუმენტის გარეშე დღეს სატვირთო ავტომობილებით აიკრძალა ხორბლის ტრანსპორტირება საქართველოს ტერიტორიაზე. ეს პირდაპირ ნიშნავს ამ სფეროში დასაქმებული ათასობით გადამზიდავის უმუშევრად დატოვებას. ეს არის ანტიკონსტიტუციური გადაწყვეტილება და ჩვენ ვაპირებთ, რომ ამ საკითხზე მივმართოთ საკონსტიტუციო სასამართლოს. მანამდე „ევროპულმა საქართველომ“ ფრაქციის სხდომაზე ფინანსთა მინისტრი მოიწვია, რომელსაც პასუხი უნდა გაეცა ამ და სხვა მნიშვნელოვან საკითხებზე, თუმცა მივიღეთ პირდაპირი უარი მოქმედი კანონმდებლობის შესრულებაზე. ეს მიანიშნებს ფინანსთა მინისტრის უპასუხისმგებლობას. ასევე ნიშნავს, რომ უპასუხოდ ტოვებს კითხვებს. ეს არის კონკრეტული მაგალითი იმისა, თუ როგორ უარყოფითად აისახება მავნებლური ნაბიჯები კონკრეტული ადამიანების დასაქმებაზე. ეს რიცხვი არის 3 ათასზე მეტი და იმედია, დაავალდებულებთ ფინანსთა მინისტრს, გამოცხადდეს პარლამენტში და დროულად შეაცვლევინებთ მთავრობას ანტიკონსტიტუციურ გადაწყვეტილებას,“ -განაცხადა ირაკლი აბესაძემ.

შეგახსენებთ, რომ სატვირთო ავტომობილების მძღოლები ლილოს გეზის მიმდებარე ტერიტორიაზე რამდენიმე დღეა საპროტესტო აქციას მართავენ. ისინი ითხოვენ ფინანსთა სამინისტროს მიერ გამოცემული იმ ბრძანების გაუქმებას, რომლის თანახმადაც, საქართველოში ხორბლის სახმელეთო გადაზიდვა იკრძალება.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)