ფინანსთა სამინისტრომ ხორბლის იმპორტთან დაკავშირებული შეზღუდვების ამოქმედება 1 წლით გადადო

ჩვენ მივიღეთ გადაწყვეტილება, რომ შეზღუდვები ერთი წლით გადავავადოთ, - ამის შესახებ ფინანსთა მინისტრმა ივანე მაჭავარიანმა გეზ-ის ტერიტორიაზე ხორბლის იმპორტიორ მძღოლებთან განაცხადა.

მინისტრის თქმით, თუ რა ფორმით მოხდება შეზღუდვების ამოქმედება სამომავლოდ, მოლაპარაკების საგანია.

"გადავადდა 2019 წლის 1-ელ ოქტომბრამდე. ჩვენ გავითვალისწინეთ, რასაკვირველია, ჯანოს ასეთი ემოციური გადაწყვეტილება. მადლობაც გადავუხადეთ, რომ მოგვისმინა ჩვენ და ჩამოვიდა. ამავდროულად, გავითვალისწინეთ ყველა მძღოლის მდგომარეობა და გადაწყვეტილება მივიღეთ, რომ ერთი წლით გადავავადოთ ამ შეზღუდვის ამოქმედება, ხოლო ამის შემდეგ მომავალში შეზღუდვა იქნება სეზონური თუ სხვა ტიპის, ერთად გავივლით მძღოლებთან. ერთი წელი საკმარისზე მეტი ვადაა, რომ ჩვენ სამომავლოდ ისე გავაკეთოთ, რომ ეს ხალხიც არ დარჩეს ქუჩაში, მაგრამ ყოველწლიურად მზარდი ტურისტული ნაკადიც ასევე, შევინარჩუნოთ და არ ვავნოთ ჩვენს ქვეყანას“, - განაცხადა მაჭავარიანმა.

შეგახსენებთ, რომ ფინანსთა მინისტრის 22 აგვისტოს ბრძანებით, ხორბლის იმპორტიორებს სახმელეთო გადაზიდვები სრულად აეკრძალათ. ბრძანების მიხედვით, საქართველოს საბაჟო ტერიტორიაზე ხორბლისა და სიმინდის შემოტანა ან გატანა მხოლოდ საზღვაო ან სარკინიგზო ტრანსპორტით არის დასაშვები. ახალ რეგულაციებს, რომელიც ძალაში 15 სექტემბერს შევიდა, სატვირთო ავტომობილების მძღოლები ლილოში მდებარე გაფორმების ეკონომიკურ ზონასთან რამდენიმე დღის განმავლობაში აქციებით აპროტესტებდნენ. დღეს ერთ-ერთი მძღოლი, ჯანო ამყოლაძე, რომელსაც ფინანსური პრობლემები აქვს, აქციაზე თავის დაწვითაც იმუქრებოდა. ის რამდენიმე საათის განმავლობაში გეზ-ის ერთ-ერთი შენობის სახურავზე იყო ასული, საიდანაც მხოლოდ მას შემდეგ ჩამოვიდა, რაც აქციაზე ფინანსთა მინისტრი მივიდა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)