ლაგოდეხის მუნიციპალიტეტმა ტრადიციულ სახალხო დღესასწაულს „ჰერეთობა-2018“-ს უმასპინძლა

ლაგოდეხის მუნიციპალიტეტმა ტრადიციულ სახალხო დღესასწაულს „ჰერეთობა-2018“-ს მასშტაბური ღონისძიებებით უმასპინძლა.

როგორც „ინტერპრესნიუსს“ ლაგოდეხის მუნიციპალიტეტის გამგეობიდან აცნობეს, საზეიმო ღონისძიებები დილიდანვე დაიწყო, ამ დღის აღსანიშნავად ტყე-პარკის მიმდებარე ტერიტორიაზე სხვადასხვა სპორტული, კულტურულ-შემეცნებითი და გასართობი ღონისძიებები გაიმართა.

მათივე ცნობით, სტუმრებს მუნიციპალიტეტის ტერიტორიული ერთეულებისა და საბავშვო ბაგა-ბაღების აღსაზრდელების მიერ წარმოდგენილი თეატრალიზებული საშემოდგომო კუთხეები მასპინძლობდნენ.

ადგილობრივ მეწარმეთა მიერ მოეწყო ღვინის დეგუსტაცია, დამთვალიერებელს ადგილზე შეეძლო ქართული ღვინის დაგემოვნება. ასევე, ტყე-პარკის ტერიტორიაზე მოეწყო ფოტო გამოფენა და გაიმართა შემეცნებითი აქტივობები, გამარჯვებული კონკურსანტები მუნიციპალიტეტის მერმა ჯონდო მდივნიშვილმა საზეიმოდ დაჯილდოვა.

„აღსანიშნავია, რომ „ჰერეთობა-2018“-ს ადგილობრივ თვითმმართველობის წარმომადგენლებთან ერთად, ლაგოდეხისა და ყვარლის მაჟორიტარი დეპუტატი გურამ მაჭარაშვილი, საქართველოს პარლამენტის წევრი დავით მათიკაშვილი, გაგა კახიანი და კახეთის გუბერნატორი ირაკლი ქადაგიშვილი დაესწრო“, - ნათქვამია ინფორმაციაში.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია