ბათუმის საქალაქო სასამართლოსთან აქცია გაიმართა

ბათუმის საქალაქო სასამართლოსთან, ჭავჭავაძისა და ყოფილი ტურგენევის ქუჩების კვეთაში მცხოვრებლებმა აქცია გაიმართეს. შეკრებილების განცხადებით, 10 წლის წინ 60-მდე ოჯახმა აღნიშნულ ადგილზე ახალი კორპუსის მშენებლობისთვის თანხა გადაიხადა, თუმცა მშენებლობა ამ დრომდე არ დასრულებულა.

აქციის მონაწილეებისთვის გაურკვეველია, რატომ შეფერხდა სამუშაოები. მათი თქმით, დაუსრულებელი მშენებლობის გამო, ღია ცის ქვეშ დარჩნენ, რის გამოც საგამოძიებო ორგანოებს მიმართეს. მათივე განცხადებით, სარჩელი სასამართლოშიც შეიტანეს, თუმცა პროცესები ჭიანურდება.

აქციის მონაწილეები ბათუმის საქალაქო სასამართლოს საქმის დროული განხილვისკენ მოუწოდებენ და აცხადებენ, რომ ზარალი უნდა აუნაზღაურდეთ.

„10 წელია სამართლიანობის აღდგენას ვითხოვთ. მივმართეთ პროკურატურას, ასევე სასამართლოს, თუმცა საქმის განხილვა ჭიანურდება. გავიგეთ, რომ დღეს უნდა გაიმართოს პროცესი ბათუმის საქალაქო სასამართლოში. აქციის მიზანია მოხდეს საქმის ობიექტური გამოძიება და არ გაიწელოს სასამართლო პროცესები. ჩვენ არაერთხელ მივმართეთ ბათუმის მერიასაც სიმართლის დადგენისთვის, თუმცა უშედეგოდ",- აცხადებენ აქციის მონაწილეები.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში