ბათუმში, აბაშიძისა და თავდადებულის ქუჩების კვეთაში, კულტურული მემკვიდრეობის ძეგლს ანადგურებენ, - ამის შესახებ ბათუმის საკრებულოს ფრაქცია "ერთიანი ნაციონალური მოძრაობის" წევრმა მირდატ ქამადაძემ ჟურნალისტებთან საუბრისას განაცხადა.
მისი თქმით, ცენტრალურ ქუჩაზე ტურისტებისთვის მიმზიდველ ადგილზე, კულტურული მემკვიდრეობის ძეგლი აღარ არსებობს. საუბარია შენობაზე, რომელსაც კულტურული მემკვიდრეობის ძეგლის სტატუსი აქვს.
მირდატ ქამადაძის ინფორმაციით, სავარაუდოდ, კორუფციული ნიშნები იკვეთება.
„რაც აქ ხდება, ეს არის დანაშაული. კულტურული მემკვიდრეობის ძეგლი ნადგურდება, თუ არა აქ დიდი კორუფციული გარიგება, ვის ინტერესებში შედის, რომ თავიდან ბოლომდე განადგურდეს კულტურული მემკვიდრეობის ძეგლი? რა ინტერესი გააჩნიათ, რომ ასეთ შესანიშნავ ადგილზე კულტურული მემკვიდრეობის ძეგლი გაანადგურო? მოუწოდებ ყველა ბათუმელს, ხმა აიმაღლონ და შეწყდეს ეს უკანონობა",- განაცხადა მირდატ ქამადაძემ.