ქუთაისში, საფიჩხიის სასაფლაოზე მოკლული მამაკაცის დედის განცხადებით, მეზობლებს შორის დაპირისპირება პოლიტიკურ ნიადაგზე დაიწყო. ლამარა სოფრომაძის თქმით, მისი შვილი „ნაციონალური მოძრაობის“ მხარდამჭერი იყო, მეზობლის გაღიზიანება კი სწორედ ამ ფაქტმა გამოიწვია.

როგორც ლამარა სოფრომაძემ განაცხადა, კამათი საფიჩხიის სასაფლაოზე გაგრძელდა, რა დროსაც მის შვილს ეჭვმიტანილმა ცეცხლსასროლი იარაღიდან ესროლა და გაიქცა.

მეზობლები აცხადებენ, რომ ეჭვმიტანილი მარტო ცხოვრობდა.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108–ე მუხლით მიმდინარეობს, რაც განზრახ მკვლელობას გულისხმობს.