ეროვნული უშიშროების საბჭოს მდივანი დავით რაქვიაშვილი და საქართველოს პრეზიდენტის ადმინისტრაციის უფროსი გიორგი აბაშიშვილი აშშ-ში ვიზიტის ფარგლებში აშშ-ს ვიცე პრეზიდენტ ჯოზეფ ბაიდენის ცენტრის დირექტორს მაიკლ კარპენტერს შეხვდნენ.

პრეზიდენტის ადმინისტრაციის ინფორმაციით, შეხვედრაზე მიღწეული შეთანხებით, ბაიდენის ცენტრი ეროვნული მედეგობის ცენტრთან ითანამშრომლებს.

შეხვედრისას მხარეებმა ბაიდენის ცენტრთან თანამშრომლობის პერსპექტივებზე, რეგიონულ პოლიტიკასა და უსაფრთხოების საკითხებზე, ასევე, საქართველოში მიმდინარე პროცესებზე ისაუბრეს.