ფინანსთა სამინისტროსთან ტელეკომპანია „იბერიასა“ და „ომეგა ჯგუფის“ თანამშრომლების საპროტესტო აქცია მიმდინარეობს. ფინანსთა სამინისტროსთან მიმდინარე აქციას შეუერთდნენ სხვადასხვა პოლიტიკური პარტიის წარმომადგენლები, მათ შორის პრეზიდენტობის კანდიდატები გრიგოლ ვაშაძე და კახა კუკავა.

როგორც ტელეკომპანია „იბერიას“ დამფუძნებელმა და „ომეგა ჯგუფის“ ერთ-ერთმა მფლობელმა ნატო ჩხეიძემ განაცხადა, დღევანდელი აქცია ორგანიზებულია „ომეგა ჯგუფის“ თანამშრომლების მიერ, მათ სურთ, რომ ამუშავდეს ფაბრიკა.

„ფაბრიკის ამუშავებისთვის საჭიროა ერთადერთი რამ, რომ ფინანსთა სამინისტრომ გასცეს აქციზური მარკები, დასაქმებულებს სურთ იმუშაონ და მიიღონ ანაზღაურება ისე, როგორ ეს ხდებოდა 3 თვის წინ.“ - განაცხადა ნატო ჩხეიძემ.

ფინანსთა სამინისტროს მიმდებარე ტერიტორიაზე მობილიზებულია პოლიცია.