ქუთაისში, პარლამენტის შენობის წინ აქცია სახელწოდებით „დატოვე პარლამენტი ქუთაისში" მიმდინარეობს. არასამთავრობო ორგანიზაციებისა და მედიის წარმომადგენლები, ასევე რიგითი მოქალაქეები პარლამენტის თბილისში სრულად გადატანას აპროტესტებენ.

მათივე განცხადებით, არ დაუშვებენ შესრულდეს ეს გადაწყვეტილება.

„მიუხედავად ყველაფრისა, გვეგონა, პარლამენტს არ გადაიტანდნენ და ამ შანსს არ წაართმევდნენ ქუთაისს, რადგან ხელისუფლება ასე ექცევა ქუთაისს, ჩვენ არ მივცემთ უფლებას შეასრულონ ეს გადაწყვეტილება. აქ არის ჩვენი მომავალი და ქუთაისს სჭირდება პარლამენტი", -აცხადებენ აქციის მონაწილეები.

კამპანია „დატოვე პარლამენტი ქუთაისში" ფარგლებში, სხვადასხვა აქტივობა განხორციელდება.