ქობულეთის სოციალური მომსახურების სააგენტოს შენობასთან სოციალურად დაუცველებმა საპროტესტო აქცია გამართეს

ქობულეთის სოციალური მომსახურების სააგენტოს შენობასთან სოციალურად დაუცველებმა საპროტესტო აქცია გამართეს.

აქციის მონაწილეების განცხადებით, გაურკვეველი მიზეზების გამო რამდენიმე ოჯახს სოციალური შემწეობა შეუჩერდა.

აქციის მონაწილეებთან ერთად ადგილზე „ერთიანი ნაციონალური მოძრაობის" წევრებიც იმყოფებოდნენ.

როგორც აქციის მონაწილეები აცხადებენ, გუშინ ქობულეთის სოციალური მომსახურების სააგენტოში მოქალაქეები მოვიდნენ, რომლებიც განმარტებას ითხოვდნენ, რატომ შეუჩერდათ შემწეობა. მათი მტკიცებით, ქობულეთის სოციალური მომსახურების სააგენტოს უფროსმა თემურ ჭანტურიშვილმა მათ სიტყვიერი შეურაცხყოფა მიაყენა.

როგორც აჭარის სოციალური მომსახურების სააგენტოს უფროსმა თემურ ქარცივაძემ განაცხადა, მუნიციპალიტეტში გეგმურად ხდება სოციალურად დაუცველთა მონაცემების შესწავლა.

„განსაკუთრებული არაფერი ხდება. ასე იყო ერთი თვის წინაც. სოციალური დახმარება რამდენიმე დღით წყდება და არა ჩერდება. ქულების ხელახლა დათვლის შემდეგ ბენეფიციარს დახმარება აღუდგება",- განაცხადა თემურ ქარცივაძემ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 09.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
"ლიბერთი ბანკის" მმართველ გუნდში ცვლილებებია
"ბაზისბანკის" ციფრული არხებით სარგებლობა უფასოა
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს