„ჯორჯიან უოთერ ენდ ფაუერი“ კახეთის გზატკეცილზე წყალმომარაგების სისტემის გამართულად ფუნქციონირებისთვის მაგისტრალურ ქსელს სრულად ანახლებს. პროექტის ჯამური ღირებულება 3. 7 მლნ ლარზე მეტს შეადგენს. სამუშაოების მიმდინარეობისას იცვლება 7.4 კმ სიგრძის წყალსადენის და წყალარინების ქსელი. სისტემის სტაბილურობისთვის ქსელზე ახალი, ევროსტანდარტის ჩამკეტ-მარეგულირებელი ურდულები მონტაჟდება.

კომპანიის ინფორმაციით, აღნიშნულ ეტაპზე დაგეგმილი სამუშაოების ძირითადი ნაწილი დასრულებულია - კახეთის გზატკეცილზე 6.5 კმ წყალმომარაგების ქსელი განახლდა და 10 ჩამკეტ-მარეგულირებელი ურდული დამონტაჟდა.

„კომპანია ჯორჯიან უოთერ ენდ ფაუერი“ ახალ ქსელზე გადაერთების სამუშაოებს 4 ოქტომბერს განახორციელებს. სამუშაოების მიმდინარეობისას მაგისტრალური ქსელის წყლისგან დაცლაა აუცილებელი, რის გამოც, 4 ოქტომბერს, 22:00 საათიდან 5 ოქტომბრის 19:00 საათამდე წყალმომარაგება შეეზღუდება:

ვარკეთილის III მასივს, კალოუბნის ქუჩას და კახეთის გზატკეცილის ნაწილს.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწვდის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge