პანკისის ხეობაში სირიაში პანკისელი ოჯახის დაღუპვის შესახებ ინფორმაციას ადასტურებენ. როგორც „ინტერპრესნიუსის“ კორესპონდენტი იტყობინება, ხეობის სოფლებში, ჯოყოლოსა და ბირკიანში, დაღუპულების ოჯახები სამძიმარს დღეს დილიდან იღებენ. 34 წლის აღაზა ბორჩაშვილის, მისი მეუღლის 35 წლის კახა ტოხოსაშვილის და მათი მცირეწლოვანი ვაჟის დაღუპვის შესახებ ინფორმაცია დაახლოებით ერთი წლის წინ გავრცელდა, თუმცა მოგვიანებით ეს ცნობა უარყვეს.
არსებული ინფორმაციით, ტოხოსაშვილი სირიაში ოჯახით 4 წლის წინ წავიდა.
კახა ტოხოსაშვილი ე.წ ისლამური სახელმწიფოს რიგებში იბრძოდა. სირიაში საბრძოლო მოქმედებებს 30-მდე პანკისელი ემსხვერპლა.