თბილისი-სენაკი-ლესელიძის საერთაშორისო მაგისტრალზე, აბაშის მუნიციპალიტეტის ტერიტორიაზე, გარე განათების სამუშაოები დაიწყო.
როგორც „ინტერპრესნიუსს“ აბაშის მერიიდან აცნობეს, აბაშის მუნიციპალიტეტის მერი ლევან მაკალათია, მერიის შესაბამისი სამსახურების თანამშრომლებთან ერთად გარეგანათების ელექტროსამონტაჟო სამუშაოებს გაეცნო.
„გამოყენებული იქნება განათების უახლესი ენერგოდამზოგი და გამძლე ტექნოლოგია. პროექტი რეგიონული განვითარების ფონდიდან 394 511 ლარით ფინანსდება. სამუშაოებს ასრულებს შ.პ.ს. „აკაენერჯი“ და ნოემბრის ბოლოს დასრულდება“, – აცხადებენ მუნიციპალიტეტში.