აბაშის მუნიციპალიტეტის მერი ლევან მაკალათია პირველი ბაგა-ბაღის პედაგოგებს და აღსაზრდელთა მშობლებს შეხვდა.
როგორც „ინტერპრესნიუსს“ აბაშის მუნიციპალიტეტიდან აცნობეს, შეხვედრას შესაბამისი სამსახურების ხელმძღვანელები, საკრებულოს წარმომადგენლები და სხვა პირები ესწრებოდნენ.
მერმა ბაღის ინფრასტრუქტურა დაათვალიერა და აღსაზრდელთა უსაფრთხო გარემოს მდგომარეობით დაინტერესდა.
მისი თქმით, უსაფრთხოება ბაღებში ერთ-ერთი მთავარი პრიორიტეტია.
როგორც მუნიციპალიტეტში აცხადებენ, ლევან მაკალათია ზოგადად, აბაშის თითოეულ საბავშვო ბაღში მიდის და არსებულ პრობლემებს ადგილზე ეცნობა.
შეხვედრის მიზანი პრიორიტეტების წარმოჩენა და მათი განხორციელების გზების ძიებაა.