ბათუმში, ბაგრატიონისა და ლერმონტოვის ქუჩების კვეთაზე მდებარე საცხოვრებელი კორპუსის მე-12 სართულზე გაჩენილი ხანძარი ლიკვიდირებულია.
როგორც საგანგებო სიტუაციების მართვის სამსახურში განაცხადეს, ადგილზე 6 ერთეული სახანძრო ტექნიკა იყო მობილიზებული.
ხანძრის შედეგად არავინ დაშავებულა, რაც შეეხება გამომწვევ მიზეზებს, ჯერჯერობით უცნობია.
ფაქტზე საქართველოს შინაგან საქმეთა სამინისტრომ გამოძიება „სისხლის სამართლის კოდექსის" 187-ე მუხლით დაიწყო, რაც ხანძრის შედეგად ნივთის დაზიანებას ან განადგურებას გულისხმობს.