თორნიკე რიჟვაძე შეიხ ალ ნეჰაიანს შეხვდა

აჭარის ავტონომიური რესპუბლიკის მთავრობის თავმჯდომარემ თორნიკე რიჟვაძემ შეიხ სულთან ბინ ხალიფა ალ ნეჰაიანს მთავრობის ადმინისტრაციაში უმასპინძლა.

აჭარის მთავრობის პრესსამსახურის ინფორმაციით, შეიხი აჭარაში მსოფლიო 43-ე საჭადრაკო ოლიმპიადის ფარგლებში აზიის ჭადრაკის ფედერაციის პრეზიდენტის სტატუსით იმყოფება.

თორნიკე რიჟვაძემ სტუმარს რეგიონის საინვესტიციო და ტურისტული პოტენციალი, ასევე სხვადასხვა მიმართულებით მთავრობის ხედვები გააცნო. ყურადღება გაამახვილა ბიზნესის წარმოების მიმართულებით არსებულ ხელსაყრელ და მიმზიდველ გარემოზე.

შეიხ ალ ნეჰაიანმა მადლობა გადაუხადა აჭარის ავტონომიური რესპუბლიკის მთავრობის თავმჯდომარეს მასპინძლობისთვის. მისი თქმით, შეხვედრა საინტერესო და ნაყოფიერი გამოდგა და იგი მზადაა ახლო მომავალში საქმიანი ვიზიტით, ბიზნეს ჯგუფთან ერთად, დაბრუნდეს აჭარაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა