პარლამენტის მუდმივმოქმედი დელეგაცია ეუთო-ს საპარლამენტო ასამბლეის საშემოდგომო სესიაში მონაწილეობს

ყირგიზეთის დედაქალაქში ეუთო-ს საპარლამენტო ასამბლეის მე-17 საშემოდგომო სესია გაიხსნა. პარლამენტის ინფორმაციით, სესიის ფარგლებში, საპარლამენტო ფორუმის მონაწილეები სამი დღის განმავლობაში ეუთო-ს სივრცეში არსებულ გამოწვევებზე, როგორიცაა მიგრაცია, ტერორიზმი, გარემოს დაცვითი ღონისძიებები, ეკონომიკური თანამშრომლობა, რეგიონული უსაფრთხოება და სავაჭრო ურთიერთობების ხელშეწყობა მოხსენებებს გაეცნობიან და დისკუსიას გამართავენ.

საშემოდგომო სესია ეუთო-ს საპარლამენტო ასამბლეის პრეზიდენტის, საქართველოს პარლამენტის წევრის, გიგი წერეთლის მისასალმებელი სიტყვით გაიხსნა, რომელმაც საპარლამენტო ასამბლეის საქმიანობა მიმოიხილა და ეუთო-ს პრინციპების დაცვის ვალდებულებებზე ისაუბრა. როგორც საპარლამენტო ასამბლეის პრეზიდენტმა აღნიშნა, ეუთო-სადმი ნდობის შემცირება საფრთხეს უქმნის არა მხოლოდ ორგანიზაციის იმიჯს, არამედ იგი უარყოფითად მოქმედებს სახელმწიფოებს შორის დიალოგის და სამშვიდობო შეთანხმებების მიღწევის პროცესზე, რომლის მაგალითსაც საქართველოს ოკუპაცია და უკრაინის კონფლიქტი წარმოადგენს.

„ეუთო-ს გავლენის გაძლიერებისთვის ჩვენ გავაგრძელებთ ახალი გზების ძიებას, რათა საპარლამენტო დიალოგის ფარგლებში მეტი ინკლუზიური მუშაობა წარიმართოს და ქვეყნებს გამოცდილების გაზიარების საშუალება მიეცეთ“, - განაცხადა გიგი წერეთელმა.

საპარლამენტო ასამბლეის 300-მდე დელეგატს, ყირგიზეთის პრეზიდენტი სოორონბაი ჟეენბეკოვი და პარლამენტის სპიკერი, დასტანბეკ დჯუმანბეკოვი მიესალმნენ. სესიის ფარგლებში საკომიტეტო მოსმენების პარალელურად, ყირგიზეთის დედაქალაქში თემაზე - „უსაფრთხოების დიალოგის ხელშეწყობა ცენტრალურ აზიაში და მის ფარგლებს გარეთ“ საპარლამენტო კონფერენცია გაიმართება.

ბიშკეკში მიმდინარე ეუთო-ს საპარლამენტო ასამბლეის საშემოდგომო სესიას, საქართველოს საპარლამენტო დელეგაცია, საგარეო ურთიერთობათა კომიტეტის თავმჯდომარის, სოფიო ქაცარავას ხელმძღვანელობით ესწრება.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა