„ენერგო-პრო ჯორჯია“-ს აბონენტების ნაწილს, ქსელის გეგმური სარეაბილიტაციო სამუშაოების გამო, ელექტროენერგიის მიწოდება შეეზღუდება.
როგორც „ინტერპრესნიუსს“ კომპანიიდან აცნობეს, 5 ოქტომბერს, 14:00-დან 16:00 საათამდე ელექტროენერგიის მიწოდება შეეზღუდება 930 აბონენტს მცხეთის რაიონის სოფლებში: წეროვანი, ჩარდახი, გოროვანი, სხალტბა და მიმდებარე სოფლებში, 10:00-დან 18:00 საათამდე 4487 აბონენტს დუშეთის რაიონის სოფლებში აბანოსხევი, საკრამული, ქუბრიანთ აგარაკი, მაქართა, ჩოხი და მიმდებარე სოფლებში, 10:00-დან 19:00 საათამდე 1690 აბონენტს მცხეთაში სამხედროს, აღმაშენებლის, მუხრანის, წიწამურის და მიმდებარე ქუჩებზე.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.