გაერთიანებული ოპოზიციის წევრის მედეა ვასაძის განცხადებით, ბათუმში, საჭადრაკო ოლიმპიადაზე სასაჩუქრე პაკეტში საქართველოს რუკა იდო, რომელზეც აფხაზეთი და „სამხრეთ ოსეთი“ არ არის დატანილი.

როგორც გაერთიანებული ოპოზიციის წევრი მედეა ვასაძე აცხადებს, საჭადრაკო ოლიპიადას რუსეთი ფედერაცია პროგანდისთვის იყენებს და საქართველოს საზღვრების იგნორირებას ახდენს. ოპოზიცია ადგილობრივ მთავრობას მოუწოდებს, რომ ფაქტს პოლიტიკური შეფასება მისცეს. მედეა ვასაძე რუსეთის ფედერაციას პროვოკაციაში ადანაშაულებს.

„გუშინ ერთ-ერთ სასაჩუქრე პაკეტში ჩადებული იყო რუკა, სადაც ცხინვალი და აფხაზეთი არ იყო დატანილი საქართველოს ფარგლებში. ასე თავისუფლად ჩვენი ქვეყნის საზღვრების იგნორირებას თუ მოახდენენ, ეს არის შემაძრწუნებელი",- განაცხადა მედეა ვასაძემ.