ძლიერმა ქარმა რუსთავში პრობლემები შექმნა. ქარმა გარეგანათებისა და ელექტროგადამცემი ხაზები დააზიანა, წააქცია მრავალწლოვანი ხეები, დააზიანა ავტომანქანები და საცხოვრებელი სახლის სახურავი.
კონსტიტუციის ქუჩა #14-ში ხე მოქალაქის კუთვნილ ავტომანქანას დაეცა, ასევე, ელექტროგადამცემი ხაზები და ბუნებრივი აირის მილი დააზიანა. ქარმა ხეები წააქცია ყაზბეგის #19-ში და ვაჟა-ფშაველას #6-ში, სადაც გზა ჩაიხერგა. ძლიერი ქარისგან წაქცეული ხეებისგან გაწმენდით სამუშაოებს, შეტყობინების ადგილებზე ,,რუსთავ-სერვის ცენტრის" თანამშრომლები აწარმოებენ.