გორში წარჩინებული მოსწავლეები დააჯილდოვეს

გორში წარჩინებული მოსწავლეები დააჯილდოვეს. როგორც „ინტერპრესნიუსს“ გორიც მუნიციპალიტეტიდან აცნობეს, შიდა ქართლის 361 წარმატებული მოსწავლიდან, 206 გორის მუნიციპალიტეტიდან არის. დაჯილდოების ცერემონია გორის კულტურის ცენტრში გაიმართა. ღონისძიებას ადგილობრივი ხელისუფლების, ოთხივე მუნიციპალიტეტის საგანმანათლებლო რესურსცენტრების ხელმძღვანელები და ნიჭიერი მოსწავლეების ახლობლები ესწრებოდნენ.

კომპიუტერები მოსწავლეებს გორის მერმა კონსტანტინე თავზარაშვილმა, შიდა ქართლის გუბერნატორთან გიორგი ხოჯევანიშვილთან და „საგანმანათლებლო და სამეცნიერო ინფრასტრუქტურის განვითარების სააგენტოს“ დირექტორის მოადგილესთან გიორგი შალუტაშვილთან ერთად გადასცა.

„მე ამაყი ვარ, რომ რეგიონის წარმატებული ახალგაზრდების უმრავლესობა გორის მუნიციპალიტეტის საჯარო სკოლის მოსწავლეა. თითოეულმა მათგანმა ზოგადი განათლების საბაზისო საფეხური წარჩინებით დაამთავრა. ყველას ვულოცავ და ვუსურვებ წარმატებას“, - აღნიშნა გორის მერმა.

პროექტის მიზანია მოსწავლეთა მოტივაციის ამაღლებისა და ინფორმაციულ-საკომუნიკაციო ტექნოლოგიებზე დაფუძნებული სწავლების მეთოდების გაძლიერების ხელშეწყობა. თანამედროვე ტექნოლოგიების ხელმისაწვდომობის გაზრდით, პროექტი ყველა ნიჭიერ მოზარდს სწავლის თანაბარ პირობებს უქმნის.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 28.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
შეუდარებელი QLED 8K ტელევიზორი სამსუნგისგან
Jeep-ის ცენტრში დიდი ფასდაკლების აქცია დაიწყო