ქვემო ქართლის მასშტაბით წარჩინებული მეცხრე კლასის მოსწავლეები პერსონალური კომპიუტერებით დააჯილდოეს

საქართველოს განათლების, მეცნიერების, კულტურისა და სპორტის სამინისტრომ, ქვემო ქართლის მასშტაბით წარჩინებული მეცხრე კლასის მოსწავლეები, პერსონალური კომპიუტერებით დააჯილდოვა.

როგორც „ინტერპრესნიუსს“ რუსთავის მერიიდან აცნობეს, წარჩინებულ მოსწავლეებს პერსონალური კომპიუტერები რუსთავის #4-ე საჯარო სკოლაში, ქვემო ქართლის გუბერნატორმა შოთა რეხვიაშვილმა, რუსთავის მერმა ირაკლი ტაბაღუამ, საკრებულოს თავმჯდომარე ლევან ონიანმა და საგანმანათლებლო და სამეცნიერო ინფრასტრუქტურის განვითარების სააგენტოს დირექტორის მოადგილე, გიორგი შალუტაშვილმა გადასცეს.

საჩუქარი ქვემო ქართლის შვიდივე მუნიციპალიტეტის საჯარო სკოლების 173-მა საუკეთესო მოსწავლემ მიიღო, მათგან 70 რუსთავის საჯარო სკოლების წარჩინებული მოსწავლეა. პროგრამის ბენეფიციარებად ის მოსწავლეები განისაზღვრნენ, რომელთაც გასულ სასწავლო წელს, საბაზო საფეხური წარჩინებით დაასრულეს და მათი ნიშანი დამრგვალების გარეშე 10 ქულაა.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!