ხელვაჩაურის მუნიციპალიტეტის მერიის ადმინისტრაციულ შენობაში დღეს, ოჯახების მოწყვლადობის (ფოკუსით ბავშვთა მიმართ ძალადობის და ბავშვთა შრომის შემთხვევებზე) განმაპირობებელ ფაქტორებზე მომუშავე მრჩეველთა საბჭოს შეხვედრა გაიმართა.
ხელვაჩაურის მუნიციპალიტეტის მერიის პრესსამსახურის ინფორმაცით, ღონისძიებაში მონაწილეობა მიიღეს მერიის თანამშრომლებმა, საგანმანათლებლო რესურსცენტრის და საქართველოს სოციალურ მუშაკთა ასოციაციის წარმომადგენლებმა. მრჩეველთა საბჭოს ფუნქციონირების მიზანია ხელი შეუწყოს მუნიციპალიტეტში შემავალი ოჯახების მოწყვლადობის განმაპირობებელი ფაქტორების იდენტიფიცირებას და მოგვარებას ადგილობრივი რესურსებით, ამავე დროს მოახდინოს სექტორთაშორისი რეაგირება რეგიონულ საბჭოზე განხილულ თავისი რაიონის შემთხვევებზე საბჭოს რეკომენდაციების შესაბამისად.
შეხვედრაზე გაწერეს შესაბამისი სამოქმედო გეგმა. მრჩეველთა საბჭოს შეხვედრა ყოველთვიურად გაიმართება.