„ევროპული საქართველოს” პრეზიდენტობის კანდიდატი ლანჩხუთის მოსახლეობას შეხვდა და მათგან ის პრობლემები მოისმინა, რაც ყოველდღიურად აწუხებთ.
„ევროპული საქართველოს“ პრესსამსახურის ინფორმაციით, მოსახლეობამ დავით ბაქრაძეს ინფორმაცია მიაწოდა ფაროსანას მიერ განადგურებული მოსავლის, შეუსრულებელი საბანკო ვალდებულებების, სოციალური და ინფრასტრუქტურული პრობლემების შესახებ.
„პრობლემების გადაჭრის გზების მოძებნის გარდა, დავით ბაქრაძემ მხარდამჭერებს პროგრამის პრიორიტეტებიც გააცნო. პენსიისა და სოციალური დახმარების გაზრდა, უცხოეთში სამუშაოდ წასულთა დახმარება და საზღვარგარეთ სტუდენტების სწავლის დაფინანსება - ეს ის პრიორიტეტებია,რომელთა შესახებაც დავით ბაქრაძემ საზოგადოებას მიაწოდა ინფორმაცია“, - ნათქვამია პარტიის მიერ გავრცელებულ ინფორმაციაში.