პროკურორი - „იავნანას“ დოკუმენტაციის შესწავლა ცხადყოფს, რომ 700 ათას ლარამდეა დახარჯული პაატა ბურჭულაძის და მისი მეუღლის მგზავრობის ხარჯების ანაზღაურებისთვის

ფონდ „იავნანას“ დოკუმენტაციაში არ მოიძებნება არც ერთი საბუთი, რომელიც დაადასტურებს თუ რამდენად წარმოადგენდა ამ ხარჯების ანაზღაურება ფონდის მიზანს, - ამის შესახებ ფონდ „იავნანას“ საქმის პროკურორმა

ამირან გულუაშვილმა პაატა ბურჭულაძის მეუღლის, ანგელა ვასილენკოს გამოკითხვის დაწყებამდე განაცხადა.

პროკურორმა ჟურნალისტებთან ის საკითხები განმარტა, რასთან დაკავშირებითაც გამოძიებას კითხვები ექნება.

„ანგელა ვასილენკო მოწმის სახით იკითხება. რაც შეეხება საკითხს, თუ რა შეკითხვები ექნება გამოძიებას, ამის თაობაზე არაერთხელ აღინიშნა - ფონდის თანხებიდან დოკუმენტაციის შესწავლა ცხადყოფს, რომ დაახლოებით 700 ათასი ლარი არის დახარჯული პაატა ბურჭულაძის და მისი მეუღლის მგზავრობის ხარჯების ანაზღაურებისთვის ისე, რომ დოკუმენტაციაში არ მოიძებნება არც ერთი დოკუმენტი, რომელიც დაადასტურებს, თუ რამდენად წარმოადგენდა ამ ხარჯების ანაზღაურება ფონდის მიზანს.

რაც შეეხება საკითხს, რომ გამოძიება წინასწარ იყო ინფორმირებული ვასილენკოს მიერ საქართველოს დატოვების შესახებ, ეს არ შეესაბამება სიმართლეს", - განაცხადა ამირან გულუაშვილმა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა