რუსთავში გრიგოლ ვაშაძის საარჩევნო ბანერები წითლად შეღებეს და რუსულ ენაზე წარწერა - КГБ გააკეთეს

რუსთავში, გაერთიანებული ოპოზიციის ოფისებზე განთავსებული პრეზიდენტობის კანდიდატის გრიგოლ ვაშაძის საარჩევნო ბანერები წითლად შეღებეს.

ამ დროისთვის დაუდგენელმა პირებმა ბანერებზე წითელი საღებავით რუსულ ენაზე წარწერა -КГБ გააკეთეს.

გრიგოლ ვაშაძის საარჩევნო შტაბში აცხადებენ, რომ მსგავს ფაქტს რუსთავში, ყველა ოფისში ჰქონდა ადგილი, შეღებილია სტენდებზე განთავსებული სააგიტაციო მასალებიც. მათივე ინფორმაციით, არსებობს სათვალთვალო კამერები, რომლის ჩანაწერის ამოღების შემდეგაც იმ პირების იდენტიფიცირება მოხდება, ვინც დანაშაული ჩაიდინა.

გაერთიანებულ ოპოზიციაში ვარაუდობენ, რომ ფაქტში მმართველი პარტიის ხელწერა ჩანს. ოპოზიციურ გაერთიანებას „ძალა ერთობაშია" ამ დრომდე საგამოძებო უწყებისთვის არ მიუმართავს.