იმერეთის სამხარეო პოლიციაში საკადრო ცვლილება განხორციელდა

იმერეთის სამხარეო პოლიციას ახალი უფროსი ჰყავს. როგორც „ინტერპრესნიუსს“ მხარის პოლიციაში განუცხადეს, აღნიშნული თანამდებობა სულხან თამაზაშვილმა დაიკავა.

სულხან თამაზაშვილს ამ დრომდე თბილისის ვაკე-საბურთალოს პოლიციის უფროსის თანამდებობა ეკავა. ის ჯერ ახალ თანამდებობაზე ოფიციალურად არ წარუდგენიათ. იმერეთის სამხარეო პოლიციის უფროსის თანამდებობა ვაკანტური მას შემდეგ გახდა, რაც ბესიკ ამირანაშვილი სამცხე-ჯავახეთის გუბერნატორი გახდა.