რუსთავში მშენებარე კორპუსიდან მუშა გადმოვარდა

რუსთავში, ერთ-ერთი მშენებარე კორპუსის მეოთხე სართულიდან მუშა გადმოვარდა. როგორც „ინტერპრესნიუსის“ კორესპონდენტი რუსთავიდან იუწყება, სასწრაფო სამედიცინო დახმარების ბრიგადამ დაშავებული ქალაქის ცენტრალურ საავადმყოფოში გადაიყვანა.

რუსთავის ცენტრალური საავადმყოფოს რეანიმაციის დეპარტამენტის უფროსის, პაატა პაატიშვილის განცხადებით, 47 წლამდე ასაკის მამაკაცი რეანიმაციულ განყოფილებაში, მართვით სუნთქვაზე იმყოფება.

"პაციენტის მდგომარეობა საავადმყოფოში შემოყვანისას იყო კრიტიკული, სახეზე იყო მარცხენა ქვემო კიდურის ღია მოტეხილობა, მასიური სისხლის დენითა და დანაკარგით, არასტაბილური ჰერმოდინამიკური მაჩვენებლებით. პაციენტის მდგომარეობა რჩება მძიმე და იმყოფება მართვით სუნთქვაზე", - განუცხადა პაატა პაატიშვილმა „ინტერპრესნიუსს“.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“