ქუთაისში, მუხნარის ტყეში ხანძარია

ქუთაისში, მუხნარის ტყეში ხანძარი გაჩნდა. „ინტერპრესნიუსის“ კორესპონდენტის ინფორმაციით, ცეცხლი სპორტული სკოლა „მართვეს" მიმდებარე ტერიტორიაზე ეკალ–ბარდებს მოედო.

საგანგებო სიტუაციების მართვის სამსახურის ინფორმაციით, შემთხვევის ადგილზე გასულია სახანძრო–სამაშველო სამსახურის ორი ბრიგადა. ხანძრის გამომწვევი მიზეზი ჯერჯერობით უცნობია.