დავით გაბაიძე ტერნოპოლის უნივერსიტეტის წარმომადგენლებს შეხვდა

აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ ტერნოპოლის ეროვნული ეკონომიკის უნივერსიტეტის რექტორს კრისოვატ ანდრეის და იურიდიული ფაკულტეტის დეკანს სერგეი ბანახს უმასპინძლა. ამის შესახებ „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს.

მათი ინფორმაციით, შეხვედრაზე დავით გაბაიძემ ორი ქვეყნის ისტორიულ ურთიერთობებზე, გამოწვევებსა და სამომავლო პერსპექტივებზე ისაუბრა.

„საქართველოს და უკრაინას ერთნაირი ისტორია და პრობლემებიც ერთნაირი გვაქვს, ამიტომ გასაკვირი არ არის ასეთი კეთილგანწყობილი ურთიერთობები. ტერნოპოლთან ჩვენ წარმომადგენლობითი ორგანოების დონეზე ვთანამშრომლობთ. გაფორმებული გვაქვს მემორანდუმი, რომელიც ორ რეგიონს შორის თანამშრომლობას - ტურიზმის, სოფლის მეურნეობის, მრეწველობის, კულტურის, ხელოვნების, სპორტის, რეგიონული და ადგილობრივი თვითმმართველობის განვითარების კუთხით ითვალისწინებს. საქმიანი ურთიერთობები გვაქვს ასევე პოლონეთთან. გუშინ დავბრუნდი ვროცლავიდან, სადაც რეგიონის სახალხო ზეიმზე საპატიო სტუმრის სტატუსით ვიყავი მიწვეული. მქონდა მნიშვნელოვანი შეხვედრები პოლონელ კოლეგებთან. როგორც საქართველო, პოლონეთიც მეგობრობს უკრაინასთან. ჩვენ ყველას მსგავსი ისტორია გვაერთიანებს, ამიტომ უნდა გავითვალისწინოთ ერთმანეთის გამოცდილება,“ - აღნიშნა დავით გაბაიძემ.

ორ ქვეყანას შორის არსებულ ისტორიულ, ტრადიციულ ურთიერთობას გაუსვა ხაზი ტერნოპოლის ეროვნული ეკონომიკის უნივერსიტეტის რექტორმა და აღნიშნა, რომ ტერნოპოლსა და აჭარას შორის გამოცდილების გაზიარების მაგალითები უნივერსიტეტების დონეზე უკვე არსებობს.

„გუშინ გავაფორმეთ მემორანდუმი ბათუმის შოთა რუსთაველის სახელმწიფო უნივერსიტეტსა და ტერნოპოლის ეროვნულ ეკონომიკურ უნივერსიტეტს შორის, რომელიც გაცვლითი სასაწავლო პროგრამების, სამეცნიერო კონფერენციების და ტრენინგ-სემინარების განხორციელებას ითვალისწინებს,“ - განაცხადა ანდრეი კრისოვატმა.

შეხვედრას ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის დეკანი ადამ მახარაძეც ესწრებოდა.

დავით გაბაიძემ სტუმრებს მადლობა გადაუხადა გაწეული საქმიანობისთვის და დაგეგმილი პროგრამების განხორციელებაში ხელშეწყობას დაჰპირდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს