ადვოკატი - მირზა სუბელიანის მდგომარეობა არ არის  სახარბიელო

მირზა სუბელიანის მდგომარეობა არ არის სახარბიელო, მთლად ჯანსაღი შთაბეჭდილება არ დამრჩა, - ამის შესახებ „ინტერპრესნიუსს" პროკურატურის ყოფილი მაღალჩინოსნის, მირზა სუბელიანის ინტერესების დამცველმა, კახაბერ ხვისტანმა სუბელიანის გამოკითხვის შემდეგ განუცხადა.

ადვოკატმა გამოკითხვის დეტალების გაჟღერებისგან თავი შეიკავა და აღნიშნა, რომ პროკურატურა გადაწყვეტს, სუბელიანი განმეორებით როდის გამოკითხონ.

„სატელეფონო ინტერვიუებისგან თავს შევიკავებ. ხვალ ყველა ინფორმაციას მოგაწვდით. როდის გამოკითხავენ მას განმეორებით ამას მე ვერ გეტყვით, ეს პროკურატურის გადასაწყვეტია, მე ვალდებული ვარ მხოლოდ დაკითხვას დავესწრო", - განაცხადა ხვისტანმა.

კითხვაზე, როგორია სუბელიანის ჯანმრთელობის მდგომარეობა, ადვოკატმა განაცხადა, არ არის მისი სახარბიელო.

„მთლად ჯანსაღი შთაბეჭდილება არ დამრჩა. როგორ იქნება, სამარტოო საკანში?!"- განაცხადა ხვისტანმა.

ცნობისთვის, სასჯელაღსრულების მე-8 დაწესებულებაში პროკურატურის ყოფილი მაღალჩინოსნის მირზა სუბელიანის გამოკითხვა გავრცელებულ აუდიოჩანაწერებთან დაკავშირებით დასრულდა.

გამოკითხვა 18:00 საათზე დაიწყო და დაახლოებით 4 საათის განმავლობაში მიმდინარეობდა.

გამოკითხვის შემდეგ კომენტარო ჟურნალისტებთან მხოლოდ საქმის პროკურორმა ზვიად გუბელაძემ გააკეთა.

როგორც გუბელაძემ აღნიშნა, სუბელიანის გამოკითხვა განმეორებითაც მოხდება.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს