ქუთაისის ყოფილმა მერმა და საპრეზიდენტო კანდიდატმა თემურ შაშიაშვილმა ქუთაისში, თეთრი ხიდის სარეაბილიტაციო სამუშაოები დაათვალიერა. შაშიაშვილის თქმით, ხიდის რეაბილიტაცია არასწორად მიდის და ვერანაირ კრიტიკას ვერ უძლებს.
"არ ვიცი, მიჭირს შეფასება, თუმცა როგორც სპეციალისტები ამბობენ, ზამთარში ეს ფირფიტები გაიყინება და შეიძლება ადამიანებმა კიდურები მოიტეხონ. ზაფხულში კი იმდენად გახურდება, რომ ზედ გავლა ძალიან რთული იქნება", - განუცხადა ჟურნალისტებს თემურ შაშიაშვილმა.
ქუთაისში თეთრი ხიდის სარეაბილიტაციო სამუშაოები რამდენიმე თვეა მიმდინარეობს.