დავით ზალკალიანი - სხვა ქვეყნების ელჩების შერჩევის პროცესში საქართველო მონაწილეობას არ იღებს, არასერიოზულია ამაზე საუბარი

საგარეო საქმეთა მინისტრის დავით ზალკალიანის განცხადებით, საქართველო სხვა ქვეყნების მიერ ელჩების შერჩევის პროცესში არ მონაწილეობს. მისი შეფასებით, ეს ინფორმაცია არის სპეკულაციები და არასერიოზულია ამაზე საუბარი. ასე გამოეხმაურა ზალკალიანი ინფორმაციას იმის შესახებ, რომ აშშ-ს საქართველოში ელჩად შერჩეულო ჰყავს ბრიჯიტ ბრინკის კანდიდატურა, თუმცა მას ბიძინა ივანიშვილი და „ქართული ოცნება" „იწუნებენ".

„საიდან არის თქვენთვის ცნობილი ეს ინფორმაცია და რას ეფუძნება ეს ნათქვამი?", - მიმართა ჟურნალისტებს კითხვით დავით ზალკალიანმა.

მედიის რეპლიკაზე, რომ ეს ინფორმაცია ეკა გიგაურმა დაადასტურა, ზალკალიანმა კვლავ კითხვით უპასუხა, თუ საიდან დაადასტურა გიგაურმა ეს ინფორმაცია.

„მე გირჩევთ, შედით აშშ-ის სახელმწიფო დეპარტამენტის საიტზე, სადაც არის სრული სია სხვადასხვა ქვეყნებში ნომინირებული ელჩების, ასევე დასახელებულია ქვეყნები, სადაც ადგილები არის ვაკანტური.

როგორ წარმოგიდგენიათ ეს ყველაფერი იმ ფონზე, როცა საქართველოს სტრატეგიულ პარტნიორთან ასეთი მაღალი დონის ურთიერთობა აქვს. სხვა ქვეყნების ელჩების შერჩევის პროცესში საქართველო მონაწილეობას არ იღებს, ეს არის სპეკულაციები და არასერიოზულია ამაზე საუბარი", - განაცხადა დავით ზალკალიანმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა