შპს „სოკარჯორჯია გაზი“ დუშეთის მუნიციპალიტეტის ჭართლის ადმინისტრაციულ ერთეულში გაზიფიცირების სამუშაოებს აწარმოებს.

როგორც „ინტერპრესნიუსს“ დუშეთის მუნიციპალიტეტიდან აცნობეს, ამ ეტაპზე მიმდინარეობს შიდა ქსელის მოწყობა და მოსახლეობის ინდივიდუალური გამრიცხველიანება სამ სოფელში: ჭართალში, სონდასა და მენესოში.

აღნიშნული სამუშაოების დასრულების შემდეგ შპს „სოკარჯორჯია გაზი“ გაზიფიცირების საჭირო სამუშაოებს განახორციელებს ჭართლის ადმინისტრაციული ერთეულის სამ სოფელში: ჩიტაურებში, ჭალისოფელში და ზენუბანში.