კახა კუჭავა - მუნიციპალიტეტებში აუცილებელია ნარჩენების სეპარირების მეთოდი დაინერგოს და გადამამუშავებელი ქარხნების ქსელი შეიქმნას

მუნიციპალიტეტებში აუცილებელია ნარჩენების სეპარირების მეთოდი დაინერგოს, ასევე აუცილებელია გადამამუშავებელი ქარხნების ქსელი შეიქმნას, - ამის შესახებ პარლამენტის გარემოს დაცვის და ბუნებრივი რესურსების კომიტეტის თავმჯდომარემ კახა კუჭავამ არასამთავრობო სექტორთან შეხვედრაზე განაცხადა.

როგორც კომიტეტის თავმჯდომარე აცხადებს, მნიშვნელოვანია, რომ მათ აღნიშნულ საკითხზე საზოგადოების და არასამთავრობო ორგანიზაციების პროცესი მოისმინონ.

„გარემოს დაცვის და ბუნებრივი დაცვის კომიტეტმა გადაწყვიტა შეხვედროდა არასამთავრობოებს. ჩატარებული კვლევის შედეგად გამოიკვეთა, რომ ერთ-ერთი მთავარი პრობლემა, რომელზეც ყველაზე წუხს ეს არის ნარჩენების მართვის საკითხი. ჩვენ კოდექსი მიღებული გვაქვს, იმპლემენტაციის ნაწილი დაიწყება მომავალი წლის ბოლოდან. ზუსტად ამ საკითხზე გვინდა წინასწარ ჩავატაროთ მოკვლევა, მოვისმინოთ საზოგადოების, არასამთავრობოების აზრი. ეს იქნება ყველა რეგიონში. ჩვენ წინასწარ გვქონდა მოთხოვნები ამ საკითხზე გაგზავნილი მუნიციპალიტეტების დონეზე, ბიუჯეტის საკითხი განვიხილეთ. აუცილებელია დაინერგოს სეპარირების მეთოდი, აუცილებელია გადამამუშავებელი ქარხნების ქსელი შეიქმნას",- განაცხადა კუჭავამ.

წინასწარ დადგენილ ვადებში, კერძოდ, 3 ოქტომბრიდან 15 ნოემბრამდე, კომიტეტი ელოდება დოკუმენტურად დადასტურებული პოზიციების მიღებას ყველა დაინტერესებული სუბიექტისაგან მუნიციპალური ნარჩენების სფეროში არსებულ მდგომარეობასთან დაკავშირებით. კომიტეტთან არსებული სამუშაო ჯგუფი დეტალურად შეისწავლის თითოეული სუბიექტის მიერ წარმოდგენილ მასალებს. შემდგომ გაიმართება შემოსული პოზიციების ზეპირი მოსმენა. აღნიშნული თემატური განხილვა საშუალებას მისცემს სამოქალაქო საზოგადოებას გაავრცელონ მათ ხელთ არსებული ინფორმაცია, ისაუბრონ პრობლემებზე და რეკომენდაციებზე.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს