მაია ბითაძე - მომავალი წლიდან ჰაერის დაბინძურების ძირითად პრობლემას გავაკონტროლებთ

უკვე მომავალი წლიდან ჰაერის დაბინძურების ძირითად პრობლემას გავაკონტროლებთ, - ამის შესახებ თბილისის მერის მოადგილემ მაია ბითაძემ საკანონმდებლო ცვლილებებთან დაკავშირებით განაცხადა, რომელიც სამშენებლო სფეროში რეგულაციების გამკაცრებას უკავშირდება. მერიის მიერ მომზადებული საკანონდებლო პაკეტი ამტვერებადი მასალის გადაზიდვის, განთავსების, დამუშავების თვალსაზრისით სანქციების გამკაცრებას გულისხმობს. მაია ბითაძე იმედოვნებს, რომ აღნიშნულ ცვლილებებს პარლამენტი საშემოდგომო სესიაზე განიხილავს და მხარს დაუჭერს.

„მტვრის ნაწილაკების ჰაერში კონტროლის მიზნით შემუშავებულია საკანონდებლო პაკეტი, რომელიც მშენებლობების დროს შეფუთვის ნორმების, ასევე სამშენებლო მასალის განთავსებისა და ტრანსპორტირების თვალსაზრისით რეგულაციების გამკაცრებას ითვალისწინებს. ჰაერის დაბინძურების ერთ-ერთი მთავარი მიზეზი მტვრის ნაწილაკებია და ეს რეგულაციები, რომლებიც საერთოდ ახალ სანქციებს ითვალისწინებს მოქმედ კანონმდებლობაში, ვფიქრობთ, რომ პარლამენტის საშემოდგომო სესიაზე იქნება მხარდაჭერილი. უკვე მომავალი წლიდან ჰაერის დაბინძურების ძირითად პრობლემას ამით გავაკონტროლებთ.

სანქციების ოდენობას რაც შეეხება, დაახლოებით ისეთი ოდენობისაა, რაც განსაზღვრულია გარემოს დაცვის სფეროში სხვა სამართალდარღვევებისთვის. საუბარია 100-200 ლარზე, განმეორების შემთხვევაში მომატებულია სანქციის ოდენობა. სანქციები იქნება საკმაოდ მკაცრი, მთავარია ეფექტიანად იყოს აღსრულებული. სანქციის ოდენობასთან დაკავშირებით ჩვენ დამატებით მსჯელობას გავაგრძელებთ საქართველოს პარლამენტთან ერთად“, - განაცხადა მაია ბითაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო