მოკლული გოგონას ოჯახის ადვოკატი - არსებობს გარყვნილი ქმედების ამსახველი ფოტო და ვიდეომასალა

შს სამინისტროს შიდა ქართლის პოლიციის დეპარტამენტის შენობაში, გორში მოკლული 8 წლის ნანა ბერიაშვილის მამის რამდენიმესაათიანი გამოკითხვა დასრულდა. მიხეილ ბერიაშვილთან ერთად, პოლიციის დეპარტამენტის შენობაში იმყოფებოდა მოკლული ბავშვის ოჯახის ადვოკატი გიორგი გელხაური.

ადვოკატის განცხადებით, არსებობს ბრალდებულის მხრიდან გარყვნილი ქმედების ამსახველი ფოტო და ვიდეომასალა, რომელსაც იგი თავად იღებდა და სწორედ ამ საქმის მასალებით დასტურდება, რომ მან გარყვნილი ქმედება ჩაიდინა 8 წლის ბავშვთან, რის გამოც შეერაცხა მას ჩადენილი ფაქტი ბრალად.

,,რაც შეეხება გამოკითხვას, მოხდა მამის გამოკითხვა. კითხვები იყო შემდეგი ტიპის: იცნობდა თუ არა ბრალდებულს, ჰქონდა თუ არა მასთან რამე სახის შეხება, იმ სახლთან ხომ არ ჰქონდა შეხება, სადაც ბრალდებული მუშაობდა და ა.შ. რაც შეეხება საქმის მასალებს, გავეცანი საქმის მასალებს, როგორც მოგეხსენებათ, ბრალდებულს ბრალად აქვს შერაცხული გარყვნილი ქმედება და საქმის მასალებით დასტურდება, რომ მან გარყვნილი ქმედება ჩაიდინა 8 წლის ბავშვთან. არსებობს გარყვნილი ქმედების ამსახველი ფოტო და ვიდეომასალა და სწორედ ამ ვიდეოს გამო შეერაცხა მას ეს ბრალად“, - განაცხადა მოკლული გოგონას ოჯახის ადვოკატმა გიორგი გელხაურმა.

გარყვნილი ქმედების ამსახველი ფოტო და ვიდეომასალის არსებობას ადასტურებს მოკლული ბავშვის მამაც, თუმცა, მიხეილ ბერიაშვილის თქმით, იგი თავს უკიდურესად ცუდად გრძნობს და მან ვერ შეძლო ამ მასალების ნახვა.

რაც შეეხება ნანა ბერიაშვილის პაპის ძმას, რომელიც მთელი დღის განმავლობაში პოლიციის დეპარტამენტის შენობასთან იმყოფებოდა, იგი ბრალდებულის მოკლულის ნათესავებისთვის გადაცემას მოითხოვს. ,,ეგ პედოფილი საჯაროდ უნდა დაიწვას. ეგ კაცი უნდა გადმოგვცენ, მე ვიცი, როგორც გავასამართლებთ“, - ამბობს მოკლული გოგონას პაპის ძმა ხვიჩა ბერიაშვილი.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის