თბილისს ვიზიტით ევროპის საბჭოს საპარლამენტო ასამბლეის მონიტორინგის კომიტეტის წევრები ეწვივნენ.

დელეგაციის შემადგენლობაში არიან ევროსაბჭოს მონიტორინგის კომიტეტის თანამომხსენებლები კერსტინ ლუნდგრენი და ტიტუს კორლატეანი, რომლებიც დღეს, პარლამენტში, პარლამენტის პირველ ვიცე-სპიკერს თამარ ჩუგოშვილს და ასევე, საპარლამენტო ფრაქციების წარმომადგენლებს შეხვდებიან.

დღესვე შეხვედრა გაიმართება საგარეო საქმეთა მინისტრ დავით ზალკალიანთან და იუსტიციის უმაღლესი საბჭოს წევრებთან.

კერსტინ ლუნდგრენი და ტიტუს კორლატეანი 8 ნოემბერს შეხვდებიან მთავარ პროკურორს შალვა თადუმაძეს, კომუნიკაციების ეროვნული კომისიის თავმჯდომარეს კახა ბექაურს, უზენაესი სასამართლოს თავმჯდომარის მოადგილეს ვასილ როინიშვილს, საკონსტიტუციო სასამართლოს თავმჯდომარეს ზაზა თავაძეს, შინაგან საქმეთა მინისტრს გიორგი გახარიას და იუსტიციის მინისტრს თეა წულუკიანს.