რუსეთი საზღვარგარეთ, მათ შორის აშშ-ში არც ერთ არჩევნებში არ ჩარეულა და არც ერევა, - ამის შესახებ ჟურნალისტებს რუსეთის პრეზიდენტის პრესმდივანმა დიმიტრი პესკოვმა განუცხადა.
„მიუხედავად იმ ფობიებისა, რომელიც აშშ-ში არსებობს, რუსეთი არ ჩარეულა, არ ერევა და მომავალშიც არ აპირებს ჩარევას საზღვარგარეთ, მათ შორის აშშ-ში საარჩევნო პროცესებში“, - განაცხადა რუსეთის პრეზიდენტის პრესმდივანმა.
დიმიტრი პესკოვის თქმით, მოსკოვი მხარს უჭერს ვაშინგტონთან დიალოგს არსებული პრობლემების გადასაჭრელად, თუმცა ამის პერსპექტივები ჯერ არ შეინიშნება.
„დიდი ალბათობით შეგვიძლია ვივარაუდოთ, რომ, რა თქმა უნდა, რაიმე პერსპექტივები ჩვენი ურთიერთობების გაუმჯობესებისთვის არ შეინიშნება, თუმცა ეს არ ნიშნავს იმას, რომ დიალოგისკენ არ მივისწრაფით, ვინაიდან ჩვენს წინაშე ბევრი პრობლემაა, რომელიც რუსეთ-ამერიკის დიალოგს მოითხოვს“, - დასძინა მან.