ძარცვაში ეჭვმიტანილის მკვლელობაში ბრალდებული პოლიციელი ზუგდიდის სასამართლომ პატიმრობაში დატოვა

მძარცველის მკვლელობაში ბრალდებული პოლიციელი ზუგდიდის რაიონულმა სასამართლომ პატიმრობაში დატოვა. ადვოკატი ბრალდებულის გირაოს სანაცვლოდ გათავისუფლებას ითხოვდა, თუმცა მოსამართლემ მისი მოთხოვნა არ დააკმაყოფილა.

აღნიშნული საქმეზე დღეს წინასასამართლო პროცესი გაიმართა, სადაც მხარეებმა მტკიცებულებები წარადგინეს.

ბრალდებულის ადვოკატის იოსებ ჯანაშიას თქმით, სასამართლოს ყოფილი პოლიციელის პატიმრობაში დატოვების არანაირი საფუძველი არ გააჩნია, მაგრამ მიუხედავად ამისა, სხვა გადაწყვეტილება მიიღო.

„სასამართლომ დღეს ისევ თავი შეიკავა პატიმრის გათავისუფლების გადაწყვეტილებისგან, თუმცა ეს არ ნიშნავს იმას, რომ დაცვას სუსტი პოზიცია აქვს. დაცვა ამ საქმეს მოიგებს, რადგან ბრალდებულს დანაშაული არ ჩაუდენია და ის მოგერიების ფარგლებში მოქმედებდა. დღეს დავაყენე გირაოს სანაცვლოდ ბრალდებულის გათავისუფლების შესახებ საკითხი, თუმცა სასამართლომ არ გაიზიარა. წარვადგინეთ წერილობითი მტკიცებულებები, ექსპერტიზის დასკვნები და მოწმეების ჩვენებები“, - განაცხადა იოსებ ჯანაშიამ.

მოცემულ საქმეზე არსებითი განხილვა 2018 წლის 21 ნოემბერს ჩაინიშნა, სადაც მხარეები მტიცებულებებს გამოიკვლევენ.

შეგახსენებთ, 23 ივლისს მამაკაცს სწრაფი ჩარიცხვის აპარატის გაქურდვის მცდელობის დროს სამართალდამცავმა, სავარაუდოდ, წინააღმდეგობის გაწევისას ესროლა. მამაკაცს ტყვია თავში ჰქონდა მოხვედრილი. შედეგად, ის ზუგდიდის საავადმყოფოში გარდაიცვალა. საქმეს პროკურატურა თავიდან 333-ე მუხლის მე-3 ნაწილით, სამსახურებრივი უფლებამოსილების გადამეტების მუხლით სამეგრელო-ზემო სვანეთის საოლქო პროკურატურა იძიებდა, თუმცა დაკავებულს ბრალი 116-ე მუხლით გადაუკვალიფიცირდა, რაც გაუფრთხილებლობით სიცოცხლის მოსპობას გულისხმობს. ბრალდებული ბრალს არ აღიარებს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)