ტაჯიკეთში, ერთ-ერთ ციხეში ბუნტის დროს სულ მცირე 13 პატიმარი დაიღუპა. ამის შესახებ ინფორმაციას სააგენტო Reuters ტაჯიკეთის უსაფრთხოების ძალებში წყაროზე დაყრდნობით ავრცელებს.
საინფორმაციო სააგენტო Reuters-ის ინფორმაციით, ბუნტი გუშინ საღამოს ქალაქ ხუჯანდაში მდებარე ციხეში მოხდა.
ადგილობრივმა ხელისუფლებამ ციხეში მომხდარი ბუნტის ფაქტი დაადასტურა, თუმცა უფრო დეტალური ინფორმაცია მომხდარზე არ გაუსაჯაროვებია.
თავის მხრივ, საინფორმაციო სააგენტო „რია ნოვოსტი“ წყაროზე დაყრდნობით იუწყება, რომ ერთ-ერთმა პატიმარმა, „ისლამური სახელმწიფოს“ წევრმა დაცვის წევრის განიარაღება შეძლო და სროლა დაიწყო. შედეგად ციხეში შტურმი დაიწყო, რის შედეგადაც 13 პატიმარი მოკლეს.