მაია ცქიტიშვილი - ევროსაბჭო გააგრძელებს ჩვენი რეფორმებისა და ოკუპირებული ტერიტორიების მიმართ საქართველოს მხარდაჭერას

საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა ქალაქ სტრასბურგში ევროპის საბჭოს ადგილობრივ და რეგიონულ ხელისუფალთა კონგრესის ახლად არჩეულ პრეზიდენტთან ანდერს კნაპესთან და გენერალურ მდივანთან ანდრეას კიფერთან შეხვედრა გამართა.

როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, შეხვედრაზე ისაუბრეს ადგილობრივ და რეგიონულ ხელისუფალთა კონგრესის მიერ საქართველოში ადგილობრივი და რეგიონული დემოკრატიის მდგომარეობის შესახებ უაღრესად დადებითი ანგარიშის და კონგრესის რეკომენდაციების შესახებ. მაია ცქიტიშვილმა მადლობა გადაუხადა კონგრესს გაწეული შრომისთვის, წლების განმავლობაში საუკეთესო პრაქტიკისა და გამოცდილების გაზიარებისთვის და იმ სამართლიანი და დადებითი შფასებისთვის, რომელიც კონგრესის მონიტორინგის ჯგუფმა გააკეთა 2018 წლის აპრილში ვიზიტის საფუძველზე მომზადებულ ანგარიშში.

„ზოგადად, ძალიან პოზიტიური დამოკიდებულებაა საქართველოს მიმართ, ძალიან მაღალი ინტერესია ჩვენი რეფორმების მიმართ. ჩვენ დღესაც გვქონდა საუბარი კონგრესის ახლად არჩეულ პრეზიდენტთან და გენერალურ მდივანთან იმ პრობლემებზე, რომლებიც ოკუპირებულ და გამყოფი ხაზის მიმდებარე ტერიტორიებზეც არის. ჩვენ მუდმივად ვიღებთ პოლიტიკურ მხარდაჭერას ამ საკითხებში და ძალიან მნიშვნელოვანია, რომ კონგრესის პრეზიდენტმა, რომელიც გუშინ აირჩიეს, დაგვიდასტურა, რომ ევროსაბჭო გააგრძელებს ჩვენი რეფორმების და ოკუპირებული ტერიტორიების მიმართ საქართველოს მხარდაჭერას,“- აღნიშნა მაია ცქიტიშვილმა.

საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი 7 ნოემბერს, ქალაქ სტრასბურგში ევროპის საბჭოს ადგილობრივ და რეგიონულ ხელისუფალთა კონგრესის 35-ე სესიაში მონაწილეობდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს