არასამთავრობო ორგანიზაცია „კორუფციასთან ბრძოლის" საინფორმაციო ცენტრის ხელმძღვანელის მერაბ ღოღობერიძის ორგანიზებით, ბათუმის შოთა რუსთაველის სახელმწიფო უნივერსიტეტის ეზოში აქცია- პერფორმანსი გაიმართა.
როგორც ღოღობერიძემ განაცხადა, მან სტუდენტებსა და ზოგადად საზოგადოებას შეახსენა 2007 წლის 8 ნოემბერს უნივერსიტეტში განვითარებული მოვლენები. მერაბ ღოღობერიძის თქმით, 8 ნოემბერს, უნივერსიტეტში სპეცრაზმის მიერ სტუდენტების დარბევა მოხდა. მერაბ ღოღობერიძე მომხდარის გამოძიებას და დამნაშავე პირების დასჯას ითხოვს.