ფოთში „ქართული ოცნების“ წარმომადგენლები არ ადასტურებენ, რომ არჩევნების მეორე ტურთან დაკავშირებით სუს-ის და შსს-ს მაღალჩინოსნების მონაწილებით შეხვედრა გაიმართა
ფოთში „ქართული ოცნების“ წარმომადგენლები არ ადასტურებენ ინფორმაციას, რომ არჩევნების მეორე ტურთან დაკავშირებით ხელისუფლების წარმომადგენლების, მაჟორიტარი დეპუტატის, სუს-ის და შსს-ს მაღალჩინოსნების მონაწილებით შეხვედრა გაიმართა.
„საიდან მოგაქვთ ეგეთი ინფორმაცია, არ ვიცი. სუს-ისა და შშს-ს წარმომადგენლები არ ყოფილან. გვქონდა სამუშაო შეხვედრა. ახლაც აქ ვარ, შტაბში და შტაბის წევრებთან განვიხილავ სხვადასხვა საკითხს. აქ დავრჩები არჩევნებამდე და მივიღებ შიდა შეხვედრებში მონაწილეობას“, - განუცხადა ,,ინტერპრესნიუსს“ ფოთის მაჟორიტარმა ირაკლი ხახუბიამ.
აღნიშნულ ინფორმაციას არც ,,ქართული ოცნების“ საქალაქო ორგანიზაციის თავმჯდომარე ირაკლი კაკულია ადასტურებს.
