ბათუმში მოძრაობა "გაბრაზებული ბათუმელების" პრეზენტაცია გაიმართა. ორგანიზაციის წევრები საქართველოს პარლამენტის ყოფილი დეპუტატები არიან. შეკრებილების განცხადებით, მიუხედავად პრეტენზიებისა, წინასაარჩევნოდ ხელისუფლებას მხარდაჭერას უცხადებენ და მიაჩნიათ, რომ ძალადობრივი მმართველობის დაბრუნება არ უნდა მოხდეს.
„ჩვენ გაბრაზებული ვართ ხელისუფლებაზე, არა იმიტომ, რომ ლარის კურსი დაეცა, არამედ იმიტომ, რომ ქვეყანა საფრთხის წინაშე დადგა. ჩვენ ვერ დავუშვებთ ძალადობრივი წარსულის დაბრუნებას. 18 ნოემბერს მოძრაობა „გაბრაზებული ბათუმელების" მასშტაბური შეხვედრა გაიმართება",- განაცხადა ორგანიზაციის წევრმა მამული ჟღენტმა.
მოძრაობის წევრები არიან პარლამენტის ყოფილი დეპუტატები: თემურ მეგრელიშვილი, როსტომ ჯაფარიძე, მამული ჟღენტი და სხვები.