ჩვენთვის მნიშვნელოვანია ვიხილოთ კარგი არჩევნები, რომელიც საქართველოს მოქალაქეების ნებას ასახავს, - ამის შესახებ საქართველოში ევროკავშირის ელჩმა კარლ ჰარცელმა განაცხადა.

„რაც შეეხება საარჩევნო გარემოს, ჩემი დასკვნა არჩევნების პირველი ტურის შემდეგ ის იყო, რომ ერთი მხრივ, ეს არჩევნები კონკურენტუნარიანი იყო, რაც თავისთავად პოზიტიურია და ვიმედოვნებ, რომ ამ სულისკვეთებას მეორე ტურშიც ვიხილავთ. რაც შეეხება სიძულვილის ენის შემთხვევებს, ვფიქრობ, ეს აბსოლუტურად მიუღებელია და ვიმედოვნებ, რომ ეს მეორე ტურის ნაწილი არ გახდება. ასევე არაერთხელ განვაცხადე, რომ არჩევნების პირველ ტურში ყურადღება ძირითადად უფრო ნეგატივზე იყო გამახვილებული, ვიდრე რეალური მესიჯების წარმოდგენაზე. ვიმედოვნებ, რომ მეორე ტურში კანდიდატების მხრიდან უფრო მეტი აქცენტი იქნება გაკეთებული მათ ხედვებზე, რათა ამომრჩევლებმა შესძლონ სწორი არჩევანის გაკეთება. ჩვენ ყურადღებით დავაკვირდებით საარჩევნო კამპანიას, ვინაიდან ჩვენთვის მნიშვნელოვანია ვიხილოთ კარგი არჩევნები, რომელიც საქართველოს მოქალაქეების ნებას ასახავს“, - განაცხადა ელჩმა.