ბათუმში ავტოსაგზაო შემთხვევის შედეგად, 30 წლის ქალი დაშავდა. იგი სასწრაფო-სამედიცინო დახმარების ბრიგადამ ბათუმის რეფერალურ საავადმყოფოში გადაიყვანა.
თვითმხილველების ინფორმაციით, აეროპორტის გზატკეცილზე მსუბუქი ავტომობილი ქვეითად მიმავალ ქალს დაეჯახა.
შს სამინისტროს ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.